Aaj main zindagi ke aise do raahe par khadi hoon jahan ek galat faisla mere zameer ko jeevan bhar utthne nahi dega aur ek sahi faisla, chahe aage ki raah mushkil kar de par mujhe apni nazron se kabhi girne nahi dega.Ab faisla mera hai ki main kya chunti hoon....ek asaan sa galat rasta yaa fir mushkilon bhara sahi rasta. Aap sab soch rahe honge ki mujhe nirnay yaa chunaav karne me itni kathinayi kyun ho rahi hai to uska kaaran mera darr hai, 'mere apno ke liye'.
Achha, agar aap meri jagah hote to kya karte...shayad aap bhi usi asmanjas me phans jaate jisme aapko lagta hai ki main fansi hoon.Par aisa nahi hai...mere saamne koi asmanjas nahi hai. Main apna chunav karne ke liye sarv-samarth hoon. Jo koi bhi hai wo mujhe, mere faisle se diga nahi sakta.Mujhe galat kaam ke liye manaa nahi sakta. Jis baat ke liye mera dil gawahi nahi deta,wo kaam main kabhi nahi karti. Phir iske liye chahe mujhe koi kitna bhi daraa le ya dhamka le.Meri antar-atma, jo mujhe sahi raaste pe chalne ke liye keh rahi hai, wo galat nahi ho sakti. Maine Ishwar se hamesha yehi prarthna ki hai ,"Mujhe itni shakti, saahas aur vivek dijiye ki main hamesha sanmarg par chal saku.Apne satya par hamesha adig rahun".
Mujhe 'Dilwale Dulhaniya le jayenge' movie ka ek dialogue, jab bhi main apne ko aisi paristhiti me paati hoon, to yaad aata hai ki.....
["Meri maa hamesha kehti thi....ki tumhe zindagi me hamesha do raaste milenge ek sahi aur ek galat....
galat raasta bahut aasan hota hai...wo
tumhe apni taraf khichega...Galat raaste mein tumhe shuruwat mein bahut
khushiya milengi....par anth me tumhari haar hogi...
aur sahi raaste mein
bhale tumhe shuruwat me taklife mile...bahut sehna pade.....
par anth me
jeet tumhari hogi.."]
Isliye isi vishwas ke saath ki "Satya ki hamesha vijay hoti hai aur asatya ki haar", Maine sahi raah pe chalne ka chunav kiya hai...ab chaahe jo ho..:-)
Do baat kehna chahungi, ho sakta hai isse aap meri paristhiti samajh saken....
"Main sach hoon, main saahas hoon...mujhko kisi baat ka darr nahi
Teri galtiyon ke pulinde ka wazan, mere zameer se badhkar nahi
Main jaanti hoon...mujhe puchkara jayega, mujhe dhamkaya jayega...
Laalach se baat na bani to mujhe kamjoriyon se daraya jayega
Main jaanti hoon...mujhe puchkara jayega, mujhe dhamkaya jayega...
Laalach se baat na bani to mujhe kamjoriyon se daraya jayega
Kintu main atal-satya ki fasal hoon, tum be-gairaton si banjar nahi....
Mere jo dil me hai wo muh pe hai...tum jaisi vish me bujhi khanjar nahi"
Aage kya hoga wo bhavishya ke garbh me hain parantu main aatm-glaani se mukt hoon...khush hoon...:-)
Mera bolg padhne wale guni-jan aap bhi zara sochna aur apni baat kehna...aapka din bhi meri tarah ujjawal ho..Rabba khair kare !!!
Jo Saahsi hotein hai bhagya bhi humesha unkaa saath detaa hai .... Satya ki raah par chalne waalon ko kathinaaiyan humesha aati hai aur aati rahengi ...par satya ki raah par chalne waale nirbhik aur saahsi hote hai aur aap unmein se ek ho ..!!! Aapke liye kahi do raah hai hi nahi ..kyuki chahkar bhi aapko koi aapne marg se hata nahi saktaa ...aap adig raho atal raho uss Himalay ki tarah jisse koi apni raah se hata nahi saktaa woh apnaa seena taane garv se Khada hai Aapko uss Himalaya ki pratimurti banna hai apni raah par adig ajar ......!!! Aage bhado nirbhik nidarr ..!!
ReplyDeletebahut bahut dhanyawaad Kamlesh, mera utsaah badhaane ke liye. Pata nahi main Himalaya ki tarah hoon ki nahi par haan jaanti hoon ki mujhe sachhai ki raah se koi hata nahi sakta. Aaj kathin pariksha ki ghadi hai par main darungi nahi..janti hoon aise path me koi saath dene ke liye, mere saath hoke bhi nahi hoga...par mujhe uski apeksha bhi nahi.kewal vishwas ka saath hai aur wohi mere liye kaafi hai..!!!
DeleteAp lucky ho di,blessed ho jo apko sahi galat k beech farak dikhayi bhi deta hai n samajh bhi ata hai ! muje to kbi kbi pata hi nahi chalta ki sahi kaha khatam ho jata hai n galat kaha shuru ho jata hai.
ReplyDeleteaj man kuch theek nahi hai,may be i shud write too,shayad ussey hi bojh kuch kam ho
Thank Mandy blog padhne ke liye. sahi kya hai..kya galat hai..sabke liye uski alag definition hai. Par mere hisaab se jo kaam karne se teri atma tujhe roke, wo hamesha galat hota..baaki faisla kya lena hai,kitna nirbhik hoke lena hai, ye sab insaan ke upar nirbhar karta hai.
DeleteBaaki Jitna mai tujhe jaanti hoon..tu kabhi galat faisle le hi nahi sakti kyunki teri atma bahut hi saaf hai.. aur shayad isiliye tu meri dost hai aur hamari banti bhi hai..God bless..:))
Isliye isi vishwas ke saath ki "Satya ki hamesha vijay hoti hai aur asatya ki haar", Maine sahi raah pe chalne ka chunav kiya hai...ab chaahe jo ho..:-)
ReplyDeleteऑल द बेस्ट!! :) :)
Thanks Abhi...Aaj mujhe uski bahut zaroorat hai..dekhte hain 'ab chahe jo ho'..!!!
Delete